Atyraý oblysynda qatty jel shatyrdy ushyryp, elektr baǵanyn kóliktiń ústine qulatty
Oblystyq tótenshe jaǵdaılar departamenti keshe óńir turǵyndaryna 15 qańtarda ońtústik-batystan soǵatyn jel ekpini 23-28 m/sekindyna jetetinin eskertken edi.
«Búgin, 15 qańtarda qatty jel Inder aýdanynyń ortalyǵy – Inderbor kentinde shatyrlardy ushyryp áketti. Bul týraly búgin dıspetcherlik pýltke saǵat 14:32-de habar tústi. Kenttegi D.Qonaev kóshesinde ornalasqan mektep pen 5 qabatty turǵyn úıdiń
shatyry búlindi. Oqıǵa ornyna jetken qutqarýshylar M.Áýezov atyndaǵy orta mekteptiń eki qabatty ǵımaratynda 828, al, turǵyn úıde 974 sharshy metr shatyrdyń aýmaǵy búlingeni anyqtyldy. Jel ushyrǵan shatyr elektr baǵanasyn «Toıota-Kamrı 70»
markaly avtokóliktiń ústine qulatty», -dep habarlady departamenttiń baspasóz qyzmeti.
Oqıǵa ornyna jedel-qutqarý jasaǵy men jergilikti atqarýshy organnyń 12 qyzmetkeri men 3 tehnıkasy jumyldyryldy.
Eske sala ketelik, buǵan deıin Atyraýda kópqabatty úıdiń kireberisine qarshyǵa ushyp
kirgenin jazǵan edik.
