Atyraý oblysynda Kaspıı jaǵalaýyndaǵy batpaqta qamys janyp jatyr
ATYRAÝ. QazAqparat – Atyraý oblysynda Kaspıı jaǵalaýyndaǵy batpaqta qamys janyp jatyr, dep habarlaıdy QazAqparat.
Qurmanǵazy aýdandyq tótenshe jaǵdaılar bóliminiń bastyǵy, azamattyq qorǵaý maıory T.Sansyzbaevtyń aıtýynsha, Maqash, Teńiz aýyldyq okrýgteriniń aýmaǵyna barlaý jasalǵan. Sonyń nátıjesinde atalǵan aýyldyq okrýgterdiń aýmaǵynan shamamen 50-60 shaqyrym qashyqta qamystyń janyp jatqany anyqtalǵan.
«Kaspıı teńiziniń jaǵalaýyna taman sýly, batpaqty jerdegi qamys janǵandyqtan, oǵan qaıyqpen, ne ózge kólik quraldarymen barý múmkin emes. Biraq, qamys órtinen eldi mekenderge eshqandaı qaýip tónip turǵan joq. Qamystyń janýyna qatysty aqparat esepke alý kitabyna órtke jatpaıtyn janý oqıǵasy retinde tirkelip otyr» -deıdi T.Sansyzbaev.
Eske sala ketelik, budan buryn Atyraý oblysynda garajdaǵy eki kólik órtenip , sheteldik azamat kúıip qalǵanyn habarlaǵan edik.
