Atyraý oblysynda Kaspıı jaǵalaýynda taǵy qamys órtenip jatyr
Atyraý oblystyq tótenshe jaǵdaılar departamenti basshysynyń mindetin atqarýshy Asqat Erjanovtyń málimetinshe, Kaspıı teńiziniń jaǵalaýynda qamys janyp jatyr.
«Qamys órti Atyraý qalasyndaǵy Keńózek aýyldyq okrýginen 30 shaqyrym qashyqtyqta tirkeldi. Keshe, 6 shildede keshki saǵat 20:00 de órtti anyqtaý jáne baqylaý úshin №13 órt sóndirý bóliminen 4 qyzmetker, 1 tehnıka, №4 órt sóndirý bóliminen 1 qyzmetker, 1 tehnıka, al, jol talǵamaıtyn TREKOL kóligimen 7 qyzmetker jiberildi», -dep habarlady dep habarlady Asqat Erjanov.
Onyń aıtýynsha, órt oshaǵynyń naqty aýmaǵyn arnaıy tehnıkalarmen anyqtaý múmkin emes. Búgin, 7 shildede Kaspıı teńiziniń jaǵalaýyndaǵy órtti sóndirýge tikushaq jiberý kózdelip otyr.
Eske sala ketelik,budan buryn Kaspıı jaǵalaýynda janǵan qamys tútini Atyraýdy basyp qalǵanyn habarlaǵan bolatynbyz.
Keıin Kaspıı jaǵalaýynda 5 kún janǵan qamys órti sóndirilgenin jazǵan edik.
«Qazaqstan ǵarysh sapary» kosmomonıtorınginiń qorytyndysyna sáıkes «Aqjaıyq» memlekettik tabıǵı rezervaty aýmaǵyndaǵy órttiń jalpy aýdany 1 200 gektardy quraǵan.
«Kaspıı jaǵalaýyndaǵy batpaqty, sýly jerde 2 sáýirde qamys órti tutandy. Bul – Atyraý qalasynan 30 shaqyrym qashyqtaǵy aýmaq. Jalynnan flora men faýna zardap shekken joq. Óıtkeni, qustardyń uıa salý kezeńi áli bastalmaǵan» dep habarlady departamenttiń qoǵammen baılanys toby.
