Atyraý oblysynda kásipkerler 1 trln 300 mlrd teńgeniń ónimin óndirdi
Oblystyq Kásipkerlik jáne týrızm basqarmasynyń basshysy Nurbol Jańabekovtiń málimetinshe, bıyl shaǵyn jáne orta kásipkerlik sýbektileri óndirgen ónim eki esege artqan.
«Ótken jyly Atyraý oblysynda 57 myń shaǵyn jáne orta kásipkerlik sýbektisi tirkelse, bıyl olardyń sany 64 myń 500-ge jetti. Onyń ishinde 49 myń jeke kásipker, 12 myńǵa jýyq zańdy tulǵa men 3 myń 500 sharýa qojalyǵy bar. Tirkelgen sýbektilerdiń 90% óz kásibin tolyq ıgerip otyr. Bıylǵy jyl basynan beri kásipkerlerdiń shyǵarǵan ónimderi 1 trln 300 mlrd-qa jýyq teńgeni qurady. Bul kórsetkish te ótken jylmen salystyrǵanda eki ese ósip otyr», - deıdi Nurbol Jańabekov.
Onyń aıtýynsha, oblys ákiminiń tapsyrmasymen ár toqsan saıyn kásipkerlermen kezdesý ótedi. Bıylǵy sáýir men qyrkúıekte ótken kezdesýge 200-den asa kásipker qatysqan.
«Kásipkerler tarapynan aıtylǵan usynystar kezeń-kezeńimen oryndalyp jatyr. Shaǵyn jáne orta kásipkerlik jobalaryn qarjylandyrý máselesi nazardan tys qalmaıdy. Tyń ıdeıalarmen óz kásibin bastaǵysy keletin turǵyndarǵa qaıtarymsyz granttar, paıyzy tómen nesıeler syndy úsh qarjylandyrý baǵdarlamasy iske qosyldy», - dep málim etti Nurbol Jańabekov.
