Atyraý oblysynda karta oıyny atyspen aıaqtaldy
ATYRAÝ. QazAqparat - Atyraý oblysynda karta oıyny atyspen aıaqtaldy, dep habarlaıdy QazAqparat.
Oqıǵa 2018 jylǵy 16 naýryzda bolǵan.
«Kúdikti T.M. jáne taǵy úsh jigit bolyp karta oıynyn oınap otyrǵan kezde jábirlenýshi B. men kúdikti T.M. ózara sózge kelip qalǵan. Keıin kúdikti óziniń úıine baryp, oqtalǵan ańshy myltyǵyn alyp, jábirlenýshimen birjolata kıkiljińdi sheshýge kelgen. Sóıtip ol ony kósheden kórip qalyp, eki ret oq atady, nátıjesinde jábirlenýshi jaraqattanyp, aýdandyq aýrýhanaǵa túsken», - delingen oblystyq sottyń baspasóz qyzmeti taratqan habarlamada.
Atyraý oblysynyń Qyzylqoǵa aýdandyq sotynyń tergeý sýdıasynyń qaýlysymen adam óltirýge oqtalǵan kúdikti T.M.-ǵa qatysty 2 aı merzimge «kúzetpen ustaý» túrindegi bultartpaý sharasyna sanktsııa berildi.
