Atyraý oblysynda kárizdik-tazartý kesheni iske qosyldy
ATYRAÝ. QazAqparat – Atyraý oblysynda kárizdik-tazartý kesheni iske qosyldy, dep habarlaıdy QazAqparat.
Maqat aýdanynyń ortalyǵy –Maqat kentinde iske qosylǵan keshen táýligine 3200 tekshe metr aǵyndy sý tazartady.
Keshen qurylysy 2018 jyldyń naýryz aıynda bastalǵan. Qurylysty «Bekbolatovtar qurylys kompanııasy» AQ júrgizgen. Buǵan deıin Maqat aýdanyna kelgen saparynda aımaq basshysy Mahambet Dosmuhambetov halyqtyń ıgiligine aınalar atalǵan nysandy merziminde paıdalanýǵa berýdi tapsyrǵan bolatyn.
«Osyndaı joba Inderbor kentinde de júzege asyrylyp, kárizdik qubyrlar men sorǵy stansalary paıdalanýǵa berilýde. Sondaı-aq, Aqqystaý kentinde qýaty táýligine 2300 tekshe metrlik kárizdik-tazartý ǵımaratynyń, aýylishilik káriz qubyrlary men sorǵy stansalarynyń qurylysy júrgizilýde. Atalǵan jobalardyń iske qosylǵanda ekologııalyq ahýal men aýanyń tazarýyna septigin tıgizeri sózsiz», - deıdi oblystyq qurylys basqarmasynyń bólim basshysy Nurlybek Saqparov.
Onyń aıtýynsha, qazir Atyraý qalasynyń sol jaq bóliginde táýligine 70000 tekshe metr kárizdik-tazartý ǵımaratynyń qurylysy júrgizilip jatyr. Bul jobanyń negizgi qurylys-montaj jumystary jyl sońynda aıaqtalady. Ony 2021 jyldyń birinshi jarty jartysynda iske qosý josparlanyp otyr.
