Atyraý oblysynda qarasora ósiretin plantatsııanyń kózi joıyldy

ATYRAÝ. QazAqparat – Atyraý oblysynda qarasoranyń 507 butasy ósirilgen plantatsııa joıyldy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, qarasora plantatsııasy 19 qyrkúıekte Ulttyq qaýipsizdik komıteti Atyraý oblysy boıynsha departamentiniń qyzmetkerlerimen birlese ótkizilgen «Qarasora-2021» jedel profılaktıkalyq is-sharasy kezinde anyqtalǵan.

«Atyraý jáne Batys Qazaqstan oblystarynyń shekaralas aýmaǵynda ornalasqan orman alqabynda qarasoraǵa uqsas ósimdikter ósirilgen. Saraptamaǵa sáıkes zańsyz egilgen ósimdiktiń 507 butasy qarasora ekeni dáleldendi. Plantatsııada esirtki qýraılaryn otap, órteý arqyly tolyqtaı joıyldy. Qazir atalǵan derekke qatysty QR Qylmystyq Kodeksiniń 300-babynyń 2-bóligimen (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) tergeý amaldary júrgizilip jatyr» - deıdi departament bastyǵy, polıtsııa polkovnıgi Qamza Úmbetqalıev.

Eske sala ketelik, buǵan deıin Atyraýda 24 mln teńgeniń esirtkisin satpaq bolǵan dinı aǵym ókilderi ustalǵanyn, keıinnen velosıpedpen 1,1 mln teńgeniń esirtkisin tasymaldaǵan er adam qolǵa túskenin habarlaǵan edik.