Atyraý oblysynda karantındik shekteý sharalary 12 qazanǵa deıin jalǵasady
ATYRAÝ. QazAqparat –Atyraý oblysynda karantındik shekteý sharalary 12 qazanǵa deıin jalǵasady. Bul týraly Atyraý oblysynyń bas memlekettik sanıtarııalyq dárigeri Asylbek Sharov 2020 jylǵy 29 tamyzdaǵy «Atyraý oblysy turǵyndary arasynda koronavırýstyq ınfektsııasy indetiniń aldyn alýǵa qatysty sharalar týraly» № 64 qaýlysyna ózgerister men tolyqtyrýlar engizý týraly qaýlysynda aıtylǵan, dep habarlaıdy QazAqparat.
Qaýlyda «Atyraý oblysynyń aýmaǵynda 2020 jylǵy 28 qyrkúıek saǵat 00:00-den 12 qazan saǵat 00.00-ge deıin shekteý sharalary uzartylsyn dep kórsetilgen.
Oıyn-saýyq oryndarynyń (karaoke, bılıard, kompıýterlik klýbtar, túngi klýbtar, boýlıng ortalyqtary, jabyq úı-jaılardaǵy balalardyń oıyn alańdarymen attraktsıondar, batýttar jáne basqalary), kınoteatrlardyń (ashyq aýadaǵy kınoteatrlardy qospaǵanda), býkmekerlik keńselerdiń qyzmetine tyıym salynsyn;
Memlekettik organdardyń (uıymdardyń, kásiporyndardyń), kvazımemlekettik sektorlardyń, ulttyq kompanııalardyń, ózge de uıymdardyń, sondaı-aq qyzmetteri ruqsat etilgen kásipkerlik sýbektilerdiń qyzmetine áleýmettik qashyqtyqty jáne kúsheıtilgen sanıtarlyq-dezınfektsııalyq rejımdi saqtaı otyryp ruqsat berilsin. Sonymen birge qyzmetkerlerdiń keminde 50% -y (shtat kestesinde 30-dan astam qyzmetker bolǵanda) qashyqtan jumys rejımi saqtalsyn;
Bir mezgilde jabyq ǵımarattarda, ashyq alańdarda 50 adamnan aspaıtyn, keminde 2 metr áleýmettik qashyqtyqty jáne kúsheıtilgen sanıtarlyq-dezınfektsııalyq rejımdi saqtaı otyryp, bir otbasy múshelerin qospaǵanda bir ústelge 4 adamnan aspaıtyn adam sanyna otyrýǵa ruqsat etip, ujymdyq is-sharalardy ótkizbeı, qoǵamdyq tamaqtandyrý obektileriniń (kafeler, meıramhanalar jáne basqalar) qyzmetine saǵat 08:00-dan 00:00-ge deıin ruqsat berilsin;
Maska rejımin, áleýmettik qashyqtyqty saqtaı otyryp, ashyq aýadaǵy kınoteatrlardyń qyzmetine ruqsat berilsin;
Saýda oıyn-saýyq ortalyqtarynda ornalasqan (jeke úı-jaılarda) qoǵamdyq tamaqtaný obektileriniń qyzmetine ujymdyq is-sharalardy ótkizbeı, 50-den aspaıtyn otyratyn oryn ornatyla otyryp, №43 QRBMSD qaýlysynyń talaptary saqtalǵan kezde qyzmetine ruqsat berilsin.
Qylmystyq-atqarý júıesi mekemelerinde Qazaqstan Respýblıkasynyń Bas memlekettik sanıtarııalyq dárigeriniń 2020 jylǵy 26 maýsymdaǵy №43 qaýly 4-qosymsha talaptaryn saqtaı otyryp uzaq jáne qysqa merzimde kezdesýler ruqsat etilsin;
Demalys jáne mereke kúnderi kelesi shekteý sharalary uzartylsyn:
Teńiz aýmaǵyna buǵan deıin engizilgen karantın rejımi saqtalsyn» -delingen.
Eske sala ketelik, budan buryn Atyraý oblysynda shekteý sharalary 28 qyrkúıekke deıin jalǵasqan edi.
