Atyraý oblysynda karantınde 3 adam jatyr, 741-i – baqylaýda
ATYRAÝ. QazAqparat – Atyraý oblysynda koronavırýsqa baılanysty 3 adam karantınde jatyr, taǵy 741-i baqylaýǵa alyndy. Bul týraly Óńirlik kommýnıkatsııalar qyzmetinde ótken brıfıngte aımaqtyq Densaýlyq saqtaý basqarmasynyń basshysy Baıtolla Ǵazızov málim etti, dep habarlaıdy «QazAqparat» HAA arnaýly tilshisi.
«Oblysta koronavırýs ınfektsııasyn juqtyrý oqıǵalary tirkelgen joq. Qazirgi ýaqytta tolyq karantınde Italııada bolyp kelgen 3 adam jatyr – QHR-dyń bir azamaty jáne eki qazaqstandyq. Olar Qazaqstan-Reseı shekarasynda poıyzdan túsirildi. Bul - «A» sanaty boıynsha. «B» sanaty boıynsha, ıaǵnı Frantsııa, Ispanııa, Germanııadan kelgender – 66 adam: QR-dyń 9 azamaty jáne 57 sheteldik. 2-sanat boıynsha, ıaǵnı Shveıtsarııa, Ulybrıtanııa, Nıderladtan kelgen 198 adam bar: 6 qazaqstandyq, 192 sheteldik. 3-sanat boıynsha, ıaǵnı Belgııa, Shvetsııa, Norvegııa, Úndistan, Irak, Fılıppın jáne AQSh-tan 477 adam keldi, olardyń 541-i – qazaqstandyqtar, 423 – sheteldikter. Olardyń barlyǵy turǵylyqty jerleri boıynsha baqylaýda», - dedi B.Ǵazızov.
Onyń atap ótýinshe, oblysta medıtsınalyq preparattar men dezınfektsııalyq qurylǵylardyń qory bar. Týberkýlezge qarsy dıspanserde naýqastardy oqshaýlaýǵa arnalǵan 100 oryn daıyndaldy.
