Atyraý oblysynda karantın sharalary jeńildedi: jańa qaýly jarııalandy
Atyraý oblysynyń bas memlekettik sanıtarlyq dárigeriniń 2021 jylǵy 7 naýryzdaǵy №4 qaýlysyna sáıkes, birqatar nysannyń jumys isteýine ruqsat berilgen:
- Halyqqa qyzmet kórsetý ortalyqtarynyń jumysy saǵat 09.00-den 18.00-ge deıin, kúsheıtilgen sanıtarııalyq-epıdemııaǵa qarsy sharalardy saqtaı otyryp;
- bilim berý sharalaryn ótkizý;
- balalarǵa arnalǵan túzetý kabınetteriniń, bilim berý ortalyqtarynyń, damytý ortalyqtarynyń, úıirmelerdiń, balalarǵa arnalǵan kýrstardyń (15 adamnan aspaıtyn toptar) aldyn ala jazylý boıynsha shtattyq rejımdegi qyzmeti;
- saýda úıleri men SOO (pavılondar, dúńgirshekter), saýda jelileri, azyq-túlik jáne azyq-túlikke jatpaıtyn jabyq jáne ashyq bazarlardyń shtattyq rejımdegi jumysy, nysan syıymdylyǵynan 30%-dan aspaıtyn kólemde, bir kelýshige 4 sharshy metrden kem emes áleýmettik qashyqtyqty, maska rejımin jáne kúsheıtilgen sanıtarlyq-dezınfektsııalyq rejımdi qatań saqtaı otyryp;
-SPA-ortalyqtardyń, basseınderdiń jumysy saǵat 07.00-den 22.00-ge deıin.
- 2021 jylǵy 9 naýryzdan bastap, aralas formatta jalpy bilim beretin mektepterde – mektepaldy synyp oqýshylary men 1-5-synyptardy qosa alǵanda, halyqaralyq mektepterde – 1-7 synyptardy qosa alǵanda, synyptardaǵy bala sanyn 25 adamnan asyrmaı oqytýǵa ruqsat beriledi.
- bilim berý mekemesi ákimshiliginiń sheshimimen sabaqtan tys ýaqytta 15 adamnan aspaıtyn toptarda oqýshylardy jeke oqytý.
Qaýlyǵa sáıkes, buqaralyq is-sharalardy (merekelik, oıyn-saýyq mádenı-buqaralyq sharalardy, kórermendermen sporttyq sharalardy, kórmelerdi, korporatıvterdi, forýmdardy, konferentsııalardy jáne otbasylyq sharalardy (banketter, úılený toılary, mereıtoılar, eske alý jáne t.b.), onyń ishinde úıde jáne adamdar kóp jınalatyn ózge de sharalardy ótkizýge tyıym salynady.
Eske sala keteıik, ótken táýlikte óńirde koronavırýstyń 53 jaǵdaıy tirkelgen. Qazaqstan aımaqtaryndaǵy epıdemıologııalyq jaǵdaı matrıtsasyna sáıkes, Atyraý oblysy «sary» aımaqta tur.
