Atyraý oblysynda karantın sharalary kúsheıtildi
Bul týraly Atyraý oblysynyń bas memlekettik sanıtarııa dárigeriniń mindetin atqarýshy A.Bekeshevanyń qaýlysynda aıtylǵan.
«Ashyq jobasyna qatysýyna qaramastan kontsert zaldarynyń, fılarmonııalardyń, teatrlardyń, tsırkterdiń qyzmetine, dinı birlestikter obektilerinde (meshitter, shirkeýler, soborlar, sınagogalar jáne t. b.) buqaralyq is-sharalardy (juma namazy, dinı joralar jáne t. b.) ótkizýge tyıym salynsyn», -delingen qujatta.
Mundaı tyıym túngi klýbtar men qoǵamdyq tamaqtaný obektilerindegi án aıtý jáne bıge, karaoke qyzmetine (qoǵamdyq tamaqtaný boıynsha qyzmetterdi qospaǵanda) salynyp otyr.
Sondaı-aq, Ashyq jobasyna qatysatyn obektilerde 30 adamǵa deıin eske alý sharalaryn ótkizýdi qospaǵanda, otbasylyq (banketter, úılený toılary, mereıtoılar jáne t. b.), estelik is-sharalardy, onyń ishinde úıde ótkiziletin is-sharalardy qosa alǵanda, ashyq aýada, úı-jaılardyń ishinde buqaralyq is-sharalardy ótkizýge tyıym salynǵan.
Al, qoǵamdyq tamaqtaný obektilerinde bir ústelge otyrǵyzý sanyn 4 adamǵa deıin qysqartylǵan.
Jańa qaýly qol qoıylǵan kúnnen bastap zańdy kúshine enedi.
Eske sala ketelik, buǵan deıin «qyzyl» aımaqtaǵy Atyraý oblysynda 437 adam koronavırýs ınfektsııasyn juqtyrǵanyn jazǵan bolatynbyz.
