Atyraý oblysynda karantın rejımi 3 tamyzǵa deıin sozyldy
Atyraý. QazAqparat –Atyraý oblysynda qatań karantın rejımi 3 tamyzǵa deıin sozyldy. Bul týraly oblystyń bas memlekettik sanıtarlyq dárigeri Sadýaqas Baıǵabylovtyń 17 tamyzda qol qoıǵan qaýlysynda aıtylǵan, dep habarlaıdy QazAqparat.
Bas sanıtarlyq dárigerdiń qaýlysy 19 shilde saǵat 00:00-de kúshine enedi. Qatań karantın rejımi 3 tamyz saǵat 00:00-deıin sozylyp otyr.
Qaýlyǵa sáıkes, Atyraý oblysynyń aýmaǵynda qalalar men eldimekender arasynda avtobýs qatynasy toqtatyldy. Al, Almaty qalasyna, Aqtóbe jáne Mańǵystaý oblysyna qatynaıtyn poıyzdar júrmeıdi. Sondaı-aq, turǵyndar men avtokólik qatynasyna túngi saǵat 23:00-den tańǵy 06:00-ge deıin tyıym salynǵan. Mundaı tyıym senbi, jeksenbi jáne mereke kúnderi avtokólikterdiń júrýine de salynyp otyr.
Azyq-túlik dúkenderine saǵat 10:00-den 21:00-ge deıin jumys isteýge ruqsat berilgen.
Eske sala ketelik, buǵan deıin Atyraý oblysynda karantın kúsheıtilgen edi.
