Atyraý oblysynda karantın rejımi 175 márte buzylǵan

ATYRAÝ. QazAqparat – Atyraý oblysynda demalys kúnderi karantın rejımin buzǵan 175 derek anyqtaldy, dep habarlaıdy QazAqparat.

Óńirlik kommýnıkatsııalar qyzmetiniń málimetine súıensek, epıdemıologııalyq ahýaldyń kúrdelenýine qaramastan Atyraý qalasynyń turǵyndary karantın rejımin kóbirek buzǵan. 12-13 shilde aralyǵynda júrgizilgen reıd kezinde Atyraý qalasynda shekteý rejımin buzýdyń 81 deregi tirkelgen.

Al, Jylyoı aýdanynda – 37, Inder aýdanynda – 4, Isataı aýdanynda – 14, Qyzylqoǵa aýdanynda – 7, Qurmanǵazy aýdanynda – 23, Mahambet aýdanynda - 9 derek anyqtalyp otyr.

«Atyraý oblysynyń bas memlekettik sanıtar dárigeriniń «úıge jetkizý» qaǵıdatymen jumys isteýge ǵana ruqsat berilse de, 9​ meıramhana men dámhana kelýshilerdi jabyq ǵımarat ishinde tamaqtandyrýdy jalǵastyrǵan. Sondaı-aq, 24 azyq-túlik dúkeniniń bekitilgen jumys ýaqytynan tys mezgilde saýdamen aınalysqany belgili boldy. Buǵan qosa toptanyp júrýdiń - 26, otbasylyq shara ótkizýdiń bir deregi tirkeldi. Karantın talaptaryn saqtamaý Jylyoı aýdaynda da kóp kezdesti.​ Bul aýdanda toı, sadaqa túrinde 5 otbasylyq shara ótken. Inder aýdanynda - 4, Qurmanǵazy aýdanynda - 3 azyq-túlik dúkeni tyıym salynǵan ýaqyttan keıin de jumys istegen» dep habarlady óńirlik kommýnıkatsııalar qyzmeti.

Senbi, jeksenbi kúnderi qozǵalysqa tolyqtaı tyıym salynǵanyna qaramastan, kóshede sebepsiz júrýdiń 30 deregi tirkelgen.

Karantın rejımi tek Maqat aýdanynda ǵana buzylmaǵan.

Eske sala ketelik, Atyraýda karantın kúsheıtildi.