Atyraý oblysynda karantın qandaı jaǵdaıda jeńildeıdi

ATYRAÝ. QazAqparat - Turǵyndar sanıtarlyq talaptar men áleýmettik qashyqtyqty qatań saqtap, óńirdegi epıdemıologııalyq jaǵdaı turaqtanǵan jaǵdaıda karantındi jeńildetý máselesi qarastyrylady, dep habarlaıdy Atyraý oblystyq kommýnıkatsııalar qyzmeti.

Atyraý oblysynyń bas memlekettik sanıtar dárigeri Sádýaqas Baıǵabylovtyń aıtýynsha, qazirgi ýaqyttta shekteý sharalary, aqparattyq-túsindirý jumystary men zerthanalyq zertteýler kólemin bólýdiń nátıjesinde aımaqta epıdemıologııalyq jaǵdaı turaqtanýda.

«Jalpy alǵanda, koronavırýs ınfektsııasyn juqtyrǵandar ishinde Teńiz ken orny qyzmetkerleriniń úlesi - 40 paıyz. Sonymen birge, bizde shilde aıynyń alǵashqy jartysynda ortasha ósim 3,5-nan 5%, tipti 10% -ǵa deıin bardy. Búginde bul kórsetkish 1,5%-dan 2%-ǵa deıin tómendedi. Táýligine orta eseppen 40-160-tan bastap 190-200 jaǵdaı tirkelip otyr. Eger turǵyndar shekteý sharalaryn, sondaı-aq, áleýmettik qashyqtyqty saqtasa, 3 tamyzdan keıin karantın sharalaryn jeńildetý máselesi qaralady», - dedi Sádýaqas Baıǵabylov.

Aıta keteıik, naýryz aıynan beri óńirde koronavırýs ınfektsııasyn anyqtaý úshin 142 000 PTR-testileý jasalyp, 7 zerthana iske qosyldy. Onyń ishinde bir zerthana - memlekettik.

Ár zerthana josparly emdeýge jatqyzý, táýekel toby, sonymen birge skrınıng jáne ken ornynyń qyzmetkerlerine baılanysty óz deńgeıine saı PTR-testileý júrgizedi.