Atyraý oblysynda qarama qarsy kele jatqan kólikter soqtyǵysyp, júrgizýshileri qurban boldy
ATYRAÝ. QazAqparat - Atyraý oblysynda qarama qarsy baǵytta kele jatqan kólikter betpe-bet soǵysyp, eki júrgizýshi mert boldy, dep habarlaıdy «QazAqparat» HAA.
«Jol-kólik oqıǵasy Jylyoı aýdanyn Qulsary qalasyndaǵy Teńiz munaı ken ornymen baılanystyratyn avtojoldyń boıynda bolǵan. Jol apatyna ushyraǵan «Kia Rio» men «Toyota Camry» kólikteri. Ekeýiniń de júrgizýshileri oqıǵa ornynda kóz jumdy»,-dep habarlady Atyraý oblystyq ІІD baspasóz qyzmeti.
Vedomstvo ókilderiniń habarlaýynsha, QR QK 345 baby, 4 tarmaǵy negizine (Sońy adam ólimine alyp kelgen jol qozǵalysy erejesin buzý nemese kólik quralyn basqarý) sotqa deıingi tergeý jumystary bastaldy.
