Atyraý oblysynda qar qursaýynan 1 jasar balasy bar erli-zaıypty qutqaryldy
ATYRAÝ. QazAqparat – Atyraý oblysynyń Qyzylqoǵa aýdanynda qar qursaýynan 1 jasar balasy bar erli-zaıypty qutqaryldy, dep habarlaıdy QazAqparat.
Oblystyq tótenshe jaǵdaılar departamentiniń baspasóz qyzmetinen málim etkendeı, keshe 13 qańtarda Aqqora eldi mekenine qatynaıtyn jolda jeńil kólik qarǵa batyp qalǵan.
«Bul týraly habar saǵat 16:49-da tústi. Aýdan ortalyǵy – Mııaly aýylynan 5 shaqyrym jerde jeńil avtokólik qarǵa batyp turǵan avtokólikte úsh ajam bar. Rýlde 36 jastaǵy er adam, salonda onyń 1990 jylǵy áıeli men 1 jasar balasy bolǵan. Shaqyrtý ornyna №10 órt sóndirý bólimi men jergilikti atqarýshy organ qyzmetkerleri jedel jetip, otbasy múshelerin evakýatsııalady. Jeńil avtokólikti qardan shyǵarylyp, Aqqora aýylyna jetkizildi. Otbasy músheleri medıtsınalyq kómekke júgingen joq», -dep habarlady departamenttiń baspasóz qyzmeti.
Avarııalyq-qutqarý operatsııasyna №10 órt sóndirý bóliminen 2 qyzmetker men 1 tehnıka, jergilikti atqarýshy organnyń 2 qyzmetkeri jumyldyryldy.
Eske sala ketelik, budan buryn Atyraý oblysynda 66 jastaǵy er adam joǵalyp ketkenin habarlaǵan bolatynbyz.
