Atyraý oblysynda qansha balyq qyryldy
ATYRAÝ. QazAqparat – Atyraý oblysynda mamyr bastalǵaly beri qansha balyqtyń qyrylǵany týraly aıtyldy, dep habarlaıdy QazAqparat.
Atyraý oblystyq balyq sharýashylyǵy basqarmasynyń basshysy Artýr Sádibekulynyń aıtýynsha, balyq sýdyń taıazdyǵy men aýanyń jetispeýshiliginen qyrylǵan.
«Besikti aýyly mańyndaǵy Bezymıannoe sý jaıylmasynda 2-9 mamyrda 6,8 tonna balyq qyrylyp, 25 tonnadan astamy qutqaryldy. Aqtoǵaı aýylynyń janyndaǵy Baqsaı kanalynda 4,6 tonna qarakóz qyryldy. Munda qutqarylǵan balyqtyń kólemi 8,1 tonnany qurady. Qurmanǵazy aýdanyndaǵy Sharon ózeninde qyrylǵan 700 kılo balyq joıyldy», - dedi Artýr Sádibekuly.
Onyń málimetinshe, kóktem bastalǵaly oblystaǵy 52 sý aıdynynda balyqtyń ýyldyryq shashýǵa kedergisiz kirý úshin tazartý jumysy júrgizilgen.
Eske sala ketelik, budan buryn Atyraýda 3 tonnadan astam balyq qutqarylyp, ózenge jiberilgenmen, keıin 2 tonna balyq qyrylǵanyn habarlaǵan edik.
