Atyraý oblysynda qansha bala koronavırýspen aýyrdy
ATYRAÝ. QazAqparat - Atyraýda balalar koronavırýs juqpasyn jeńil túrde ótkizdi, dep habarlaıdy QazAqparat oblystyq densaýlyq saqtaý basqarmasynyń baspasóz qyzmetine silteme jasap.
Pandemııa kezinde Atyraý oblystyq balalar aýrýhanasynda josparly em alǵandar ishinen alpysqa jýyq baladan koronovırýs anyqtalǵan.
«Koronovırýs ınfektsııasy anyqtalǵan alpysqa jýyq balanyń 18-inde covid-19 sımptomy bolǵan. Onyń 13-i der kezinde Atyraý oblystyq juqpaly aýrýlar aýrýhanasyna aýystyryldy. Bes bala vırýspen qosa týabitti jáne sozylmaly aýrýy bolǵandyqtan balalar aýrýhanasynda emdeldi» dep málim etti basqarmadan.
Qalǵan qyryqtan astam balada koronovırýstyń sımptomsyz túri bolǵandyqtan, olardy jergilikti emhana dárigerleri baqylaýda ustady.
Qazirgi ýaqytta balalardyń deni saý, synama nátıjesi «teris» kórsetip otyr.
«Qazir koronovırýs juqpasymen em alyp jatqan bala joq» deıdi Atyraý oblystyq balalar aýrýhanasynyń dárigeri Aıgúl Súndetova.
