Atyraý oblysynda kanal sýyna qulaǵandar bir otbasynyń balalary bolyp shyqty
Atyraý oblystyq tótenshe jaǵdaılar departamentiniń qoǵammen baılanys tobynan málim etkendeı, kanal sýyna batqandardyń ekeýi de bir otbasynyń balalary bolyp shyqqan.
«Qurmanǵazy aýdanynyń Birlik aýyldyq okrýginde turatyn bir otbasynyń aǵaly-inili eki balasy oınap júrip, abaısyzda Şýche kanalynyń shuńqyryna qulap ketkeni anyqtaldy. Kanal sýyna aldymen 2016 jylǵy inisi batqan. Onyń qulaǵanyn kórgen 10 jasar aǵasy qutqarmaq bolyp, sýǵa sekirgen. Sol mańda birge oınap júrgen balalar úlkenderdi kómekke shaqyrǵan. Kómekke jetken turǵyndar 2 balany da sýdan shǵaryp alǵan. Alaıda, 2016 jylǵy bala oqıǵa ornynda kóz jumǵan», -dep málim etti departamenttiń qoǵammen baılanys tobynan.
Al, 10 jasar bala aýyldaǵy jedel-járdem kóligimen aýdandyq ortalyq aýrýhanaǵa jetkizilgen. Qazir ol dárigerlerdiń baqylaýynda, jaǵdaıy qalypty dep baǵalanyp otyr.
Eske sala ketelik, budan buryn Atyraý oblysynda kanal sýyna qulaǵan eki balanyń biri mert bolǵanyn habarlaǵan edik.
Sondaı-aq Atyraýda bir kúnde Jaıyq ózenine áýeli er adam, keıin áıel túsip ketkenin jazǵan bolatynbyz.
Er adamdy Jumysker shaǵyn aýdanynda balyq aýlyp otyrǵandar kórip, qutqarýǵa tyrysqan.
Al, 44 jastaǵy áıel joldy qysqartý úshin Jaıyq ózeniniń kelesi jaǵalaýyna ótpek bolǵan.