Atyraý oblysynda qamys arasyna jasyrylǵan úsh júrdek qaıyq tárkilendi
ATYRAÝ. QazAqparat – Atyraý oblysynda «Bekire-2021» balyq qorǵaý aktsııasy aıasyndaǵy reıd kezinde qamys arasyna jasyrylǵan úsh júrdek qaıyq tárkilendi, dep habarlaıdy QazAqparat.
Atyraý oblysynda 18 mamyrda quramynda balyq qorǵaý, polıtsııa, shekara qyzmeti, tabıǵat qorǵaý prokýratýrasynyń qyzmetkerleri bar mobıldi top reıdtik is-shara ótkizdi. Іs-shara kezinde Kaspıı teńiziniń soltústik bóliginiń jaǵalaýyndaǵy Isataı aýdanynyń Janbaı, Zıneden eldi mekenderi qamtyldy. Reıdke tikushaq pen jyldam júretin katerler jumyldyryldy.
«Teńizge taıaý ornalasqan Janbaı aýylynyń mańyndaǵy qamys arasynan tabylǵan
«ıAmaha-200» aspaly motory bar «Baıda» úlgisindegi úsh júrdek qaıyq tárkilenip,
Atyraý qalasyndaǵy aıyp turaǵyna jetkizildi. Atalǵan derekke qatysty polıtsııa qyzmetkerleri QR Ákimshilik quqyqbuzýshylyq týraly Kodeksiniń 512-babymen
(Qazaqstan Respýblıkasynyń aýmaqtyq sýlarynyń (teńiziniń) jáne ishki sýlarynyń
rejımderin buzý) ákimshilik hattama toltyrdy. Jınaqtalǵan is-qujattary júzý quraldarynyń ıelerin anyqtaý úshin kóliktik baqylaý ınspektsııasyna jiberildi» -dep habarlady Balyq sharýashylyǵy komıtetiniń baspasóz qyzmeti.
Osy kezge deıin Atyraý, Mańǵystaý jáne Batys Qazaqstan oblystarynyń aýmaǵynda balyq qorǵaý aktsııasy aıasynda 1000-nan astam quqyq buzýshylyq anyqtalǵan. Al, zańsyz aınalymnan 30 tonnadan astam balyq, onyń ishinde 4,5 tonnadan astam bekire tuqymdas balyq túrleri alynǵan. Quqyq buzýshyardan 3,5 myń túrli aýlaý, sondaı-aq, 80 júzý jáne kólik quraly tárkilengen.
Eske sala ketelik, budan buryn Atyraý oblysynda 812 keli bekire tárkilengenin
habarlaǵan edik.
