Atyraý oblysynda kámelet jasqa tolmaǵan jasóspirim kólik júrgizgen
ATYRAÝ. QazAqparat – Atyraý oblysynda kólik júrgizgen jasóspirim ustaldy, dep habarlaıdy QazAqparat.
Jylyoı aýdandyq polıtsııa bólimi jedel basqarý ortalyǵynyń beınebaqylaý ınspektory G.Aralbaı Qulsary qalasynyń kóshesinen «Hyundai Solaris» avtokóligin nazarǵa alǵan. Sóıtip, júrgizýshisiniń qaýipsizdik beldigin taqpaǵanyn anyqtady.
«Atalǵan quqyq buzýshylyq týraly jedel habar alǵan patrýldik polıtsııa vzvodynyń qyzmetkerleri kólikti toqtatty. Tekserý kezinde kóliktiń rýline kámelet jasqa tolmaǵan, ıaǵnı 2003 jyly týǵan jasóspirim bolyp shyqty. Kólik júrgizý quqyǵy joq 17 jastaǵy balanyń ata-anasyna QR Ákimshilik quqyqbuzýshylyq týraly kodekstiń 612-baby 2-bóligimen jáne 593-baby 2-bóligimen tıisti ákimshilik hattama toltyrylyp, aıyppul salyndy» -dep habarlady oblystyq polıtsııa departamentiniń baspasóz qyzmetinen.
Eske sala ketsek, budan buryn Atyraýda kóligine jalǵan nómir taqqan 24 júrgizýshi jazalanǵanyn habarlaǵan bolatynbyz.
