Atyraý oblysynda KamAZ júrgizýshisi joǵalyp ketti
ATYRAÝ. QazAqparat –Atyraý oblysynyń Inder aýdanynda KamAZ kóliginiń júrgizýshisi joǵalyp ketti, dep habarlaıdy QazAqparat.
Oblystyq Tótenshe jaǵdaılar departamentiniń málimetinshe, 21 qyrkúıekte KamAZ kóliginiń júrgizýshisi Batys Qazaqstan oblysynyń Jańaqala eldi mekeninen Atyraýǵa qaraı jolǵa shyqqan. Júrgizýshiniń jasy – 42-de, Atyraý qalasynyń turǵyny. Kóligimen mal tasymaldaǵan. Týystary onyń Inder aýdanyndaǵy Órlik aýyldyq okrýgine
qarasty «Mamyq» atalatyn jerge jetkeni týraly habar alǵan. Alaıda, keıin sol jerde
turǵan KamAZ tabylǵan. Alaıda, kólikte júrgizýshi de, mal da bolmaǵan.
«Búgin, 23 qyrkúıekte saǵat 06:00-de joǵalǵan júrgizýshini izdeý bastaldy. Іzdestirý jumysyna Inder aýdandyq polıtsııa bóliminiń 2 qyzmetkeri men tótenshe jaǵdaı departamentiniń 3 qyzmetkeri, sondaı-aq júrgizýshiniń týystary jumyldyryldy», -dep habarlady departamenttiń baspasóz qyzmeti.
Eske sala ketelik, budan buryn Atyraýda iz-túzsiz ketken jylqyshynyń denesi tereń
shuńqyrdan tabylǵan edi.
