Atyraý oblysynda «KamAZ» shóp tıelgen eki tirkemesimen birge órtendi
ATYRAÝ. QazAqparat –Atyraý oblysynda «KamAZ» shóp tıelgen eki tirkemesimen birge órtenip ketti, dep habarlaıdy QazAqparat.
Atyraý oblystyq Tótenshe jaǵdaılar departamenti baspasóz qyzmetiniń málimetinshe, keshe, 18 tamyzda saǵat 17:30 shamasynda júk kóligi eki tirkemesimen birge órtke oranǵan.
«Bul oqıǵa Qyzylqoǵa aýdanyndaǵy Muqyr aýyldyq okrýgine qarasty Tasqudyq eldi mekeniniń tusynda, órt sóndirý bóliminen 70 shaqyrym qashyqta bolǵan. Soǵan qaramastan, órt sóndirýshiler oqıǵa ornyna jetip, qyzyl jalyndy sóndirýge kiristi. Órt saldarynan shóp tıelgen eki tirkeme tolyǵymen janyp ketti. Al, «KamAZ» kóligi ishnara búlindi» -dep habarlady departamenttiń baspasóz qyzmeti.
Eske sala ketelik, budan buryn Atyraýda dámhana túgi qalmaı, janyp ketken edi.
