Atyraý oblysynda kádimgi qoıdyń júni tóselgen joldar bar

ASTANA. QazAqparat - Atyraý oblysynyń Qyzylqoǵa aýdanynda kádimgi qoıdyń júni tóselgen joldar bar. Jeriniń reńi shaǵyldy-qyratty bolyp keletin qumdy jol kólikterdiń júrýine qıyndyq týǵyzatyndyqtan áldebireý onsyz da kereksiz bolyp jatqan qoı júnin osylaısha kádege jaratýdy jón kóripti, dep habarlaıdy «Habar-24» telearnasy.

Qazir jabaǵy jamylǵan dala jolynda avtokólikter alańsyz júıtkip júr. Aıta ketken jón, jalpy munaıly óńirde qoı, túıe júni men terisine tipti, kezinde altynǵa baǵalanǵan qarakól eltirisine de múlde suranys joq. Qazir Jasqaırat aýylynda 40 tonnaǵa tarta qoı júni jınalýy tur. Eger bir sharýshalyqtyń ózinde 14 myńnan astam qoı men 150 bas túıe maly baryn eskersek, qanshama baılyqtyń rásýa bolyp jatqanyn kózge elestetý qıyn emes.

«Mal bolǵasyn, odan ónim alǵasyn ónimderdiń ótkenin, sodan paıda kórgendi táýir kóremiz. Endi bizge múmkinshilik bolsa, osy Atyraý oblysy demeıin, Qazaqstannyń ózge aýmaqtarynda bir zaýyt ashyp, osy ónimderimizdi óńdeıtin arzan da bolsa, alatyn oryn bolsa, múmkinshilik jasasa deımiz. Tek qana jún emes, bizdiń qoıdyń terileri, qazir qarakóldiń terilerine de eshqandaı suranys joq».-deıdi «Atyraý agroónimderi» JShS bas dırektorynyń orynbasary Baýyrjan Isaqulov.