Atyraý oblysynda iz-túzsiz joǵalǵan KamAZ júrgizýshisi tabyldy
ATYRAÝ. QazAqparat –Atyraý oblysynyń Inder aýdanynda iz-túzsiz joǵalǵan KamAZ júrgizýshisi tabyldy, dep habarlaıdy QazAqparat.
Joǵalǵan júrgizýshini izdestirý keshe, 23 qyrkúıekte bastalǵan edi. Oǵan Inder aýdandyq polıtsııa bólimi men Tótenshe jaǵdaılar departamentiniń qyzmetkerleri, sondaı-aq, týystary jumyldyryldy.
«Búgin, 24 qyrkúıekte joǵalyp ketken KamAZ kóliginiń júrgizýshisi Inder aýdanyndaǵy «Kók at» sharýa qojalyǵy ornalasqan ýchaskege taıaý mańnan aman-esen tabyldy» dep habarlady oblystyq polıtsııa departamentiniń baspasóz qyzmeti.
