Atyraý oblysynda iz-túzsiz joǵalǵan er adam 1 qańtardan beri tabylmaı jatyr
Oblystyq tótenshe jaǵdaılar departamentiniń qoǵammen baılanys tobynan málim etkendeı, Qurmanǵazy aýdanyndaǵy Kóptoǵaı selolyq okrýginiń turǵyny úıinen shyǵyp ketip, qaıta oralmaǵan.
«Bul selolyq okrýg Qurmanǵazy aýdandyq tótenshe jaǵdaılar bólimine qarasty №7 órt sóndirý bóliminen 60 shaqyrym qashyqtyqta ornalasqan. Soǵan qaramastan, atalǵan bólimniń qutqarýshylary 2023 jyldyń 1 qańtar kúni úıinen belgisiz baǵytqa shyǵyp, qaıta oralmaǵan 1972 jylǵy er adamdy izdestirip jatyr», -dep habarlady departamenttiń qoǵammen baılanys tobynan.
Atyraý oblysynyń Reseı Federatsııasymen shekarasyndaǵy aýyldan iz-túzsiz joǵalyp ketken turǵyndy izdestirýge 9 adam men 2 tehnıka tartylǵan. Onyń ishinde tótenshe jaǵdaılar bóliminen 7, aýdandyq polıtsııa bóliminiń 2 qyzmetkeri bar. Sondaı-aq, izdestirý jumystaryna jergilikti atqarýshy organ men aýyl turǵyndary da kómek kórsetýde.
Eske sala ketelik, buǵan deıin Atyraý oblysynda 24 jastaǵy jigitti úsh kúnnen beri izdep jatqanyn, keıin Atyraý oblysynda joǵalǵan jigitti izdeýge tikushaq tartylǵanyn habarlaǵan bolatynbyz.
Budan soń Atyraý oblysynda iz-túzsiz joǵalǵan 24 jastaǵy jigitti izdeý toqtatyldy. Óıtkeni, 20 qarashadan beri júrgizilgen izdestirý jumystary nátıje bermedi.
Qutqarýshylar joǵalǵan jigitti jazyq daladan, saı-jyralardan, qaraýsyz qalǵan qystaqtar men ózge de jerden izdestirdi. Biraq, nátıje bolmaǵandyqtan, izdeý jumystary toqtatyldy.
Foto: Atyraý oblysy TJD