Atyraý oblysynda iz-túzsiz joǵalǵan baqtashy óli kúıinde tabyldy
Jylyoı aýdandyq ákimdigi baspasóz qyzmetiniń málimetinshe, baqtashynyń múrdesi «Adaı» zıraty mańynan tabylǵan. Bul zırat Jylyoı aýdanynyń ortalyǵy – Qulsary qalasynan 40 shaqyrym qashyqtyqta ornalasqan.
Bul derekti oblystyq Polıtsııa departamentiniń baspasóz qyzmeti rastady.
«Jylyoı aýdanynda 1986 jylǵy malshy jeke sharýa qojalyǵynan shyǵyp ketip, keri oralmaǵan. Aýdandaǵy Aqkıiztoǵaı aýyly mańynan óli múrdesi tabyldy», - dep málim etti Polıtsııa departamentiniń baspasóz qyzmeti.
Eske sala ketelik, budan buryn Atyraý oblysynda iz-túzsiz ketken malshy izdestirilip jatqanyn jazǵan edik.
Atyraý oblystyq Tótenshe jaǵdaılar departamenti qoǵammen baılanys tobynyń málimetinshe, baqtashynyń joǵalǵany týraly 24 mamyrda habarlanǵan.
«Baqtashy bolyp jumys isteıtin 1986 jyly týǵan jigittiń qystaqtan 23 mamyr kúni jergilikti ýaqytpen saǵat 17:00-de shyǵyp ketkeni anyqtaldy. Qystaq Jylyoı aýdanynyń ortalyǵy – Qulsary qalasynan 70 shaqyrym qashyqtyqta ornalasqan. Sodan beri odan esh habar joq. Qystaqqa keri oralmaǵan», - dep habarlady departamenttiń qoǵammen baılanys tobynan.
Keıin 6 kún buryn joǵalǵan baqtashyny tikushaqpen izdep jatqanyn habarlaǵan bolatynbyz.
Joǵalǵan baqtashyny izdestirý-qutqarý jumystaryna 29 mamyrda «Qazavıaqutqarý» AQ-nyń MI-8 tikushaǵy jumyldyryldy. Tikushaq bortynda 5 ekıpaj múshesi, Tótenshe jaǵdaılar departamentiniń 4 qyzmetkeri men týysqany bolǵan.
Sondaı-aq, sol kúni Qurmanǵazy aýdanynan 120 shaqyrym qashyqtyqta ornalasqan Qoshalaq eldi mekenindegi «Temirjanov» sharýa qojalyǵynan mal izdeýge shyqqan er adam izdestirildi.
