Atyraý oblysynda iz-túzsiz ketken malshy izdestirilip jatyr
Atyraý oblystyq Tótenshe jaǵdaılar departamenti qoǵammen baılanys tobynyń málimetinshe, baqtashynyń joǵalǵany týraly keshe, 24 mamyrda saǵat 15:12-de habarlanǵan.
«Baqtashy bolyp jumys isteıtin 1986 jyly týǵan jigittiń qystaqtan 23 mamyr kúni jergilikti ýaqytpen saǵat 17:00-de shyǵyp ketkeni anyqtaldy. Qystaq Jylyoı aýdanynyń ortalyǵy – Qulsary qalasynan 70 shaqyrym qashyqtyqta ornalasqan. Sodan beri odan esh habar joq. Qystaqqa keri oralmaǵan», - dep habarlady departamenttiń qoǵammen baılanys tobynan.
Malshynyń qaı baǵytta ketkeni belgisiz. Ony izdestirýge oblystyq Tótenshe jaǵdaılar departamentinen 5 qyzmetker men 1 tehnıka tartylǵan. Qutqarýshylar qatarynda Jylyoı aýdandyq polıtsııa bóliminiń qyzmetkerleri de bar.
Eske salaıyq, budan buryn Atyraýda 16 jastaǵy qyz joǵalyp ketkenin jazǵan edik. Ol 6 sáýirde iz-túzsiz ketken. Keıin súńgýirler izdestirý jumysyn jumysty toqtatýǵa májbúr boldy. Buǵan Jaıyq ózenindegi keri aǵys pen sý astynda bógde zattardyń kóp bolýy áser etti.
Bir aıǵa jýyq ýaqyttan keıin qyzdyń múrdesi sýdan tabyldy. Ol kópirden sekirip ketken.
