Atyraý oblysynda ınfektsııalyq statsıonarlarda 327 naýqas jatyr

ATYRAÝ. QazAqparat – Atyraý oblysynda ınfektsııalyq statsıonarlarda 327 naýqas jatyr, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte 53 adam koronavırýs ınfektsııasyn juqtyrǵan.

«Qazir oblystaǵy ınfektsııalyq statsıonarlarda qaýipti vırýsqa shaldyqqan 327 naýqas emdelip jatyr. Al, 862 patsıent úıinde em-dom alý úshin oqshaýlanǵan. Sońǵy eki táýlik – 25-26 qyrkúıekte 968 adam koronavırýs ınfektsııasyna qarsy vaktsınalardyń I komponentin saldyrdy. Bıylǵy 1 aqpannan beri vaktsınalardyń І komponentin ektirgenderdiń sany 222 872 adamǵa jetti. Vaktsınalardyń II komponentin alǵandar 180 753 adamdy qurap otyr» -dep habarlady basqarmanyń baspasóz qyzmeti.

Eske sala ketelik, budan buryn Atyraý oblysynda ınfektsııalyq statsıonarlardaǵy naýqastar 4 esege azaıǵanyn habarlaǵan bolatynbyz.