Atyraý oblysynda ınfektsııalyq statsıonarlarda 212 naýqas jatyr

ATYRAÝ. QazAqparat – Búgin «sary» aımaqqa ótken Atyraý oblysynda ınfektsııalyq statsıonarlarda 212 naýqas emdelip jatyr, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte – 18 qazanda 24 adamnan qaýipti vırýstyń belgisi anyqtalǵan. Naýqastardyń arasynda Atyraý qalasynan 17 adam bar. Jydyoı aýdanynda 5, Teńiz ken ornynda 4 adam koronavırýs ınfektsııasyn juqtyrǵan.

«Qazir ınfektsııalyq statsıonarlarda 212 naýqas emdelip jatyr. Onyń ishinde modýldik aýrýhanada – 94, Teńiz kenishindegi statstsıonarda – 70, aýdandardaǵy ınfektsııalyq statsıonarda – 35, №2 oblystyq aýrýhanada 13 patsıent oqshaýlanǵan. Óz úıinde emdelý úshin 286 adam oqshaýlandy» -dep basqarmanyń baspasóz qyzmeti.

Eske sala ketelik, buǵan deıin Atyraý oblysynda 495 adam koronavırýspen aýyryp jatqanyn habarlaǵan edik.