Atyraý oblysynda indetten qyrylǵan mal ıelerine 164 mln teńge ótemaqy tólendi
ATYRAÝ. QazAqparat - Atyraý oblysynda nodýlıarlyq dermatıtten qyrylǵan maldyń ıelerine 164 mıllıon teńge tólendi, dep habarlaıdy «QazAqparat» HAA tilshisi.
«Alǵash ret 2016 jyly Atyraý oblysy aýmaǵynan tabylǵan nodýlıarly dermatıtpen 6 912 bas iri múıizdi mal aýyrdy, 1150 bas mal qyryldy. Barlyq mal ıelerine 100% ótemaqy tólendi, bul úshin bıýdjetten 164 mıllıon teńge bólindi. Oblys ákimi Nurlan Noǵaev veterınarııa basqarmasynyń basshysyna bıylǵy jyly nodýlıarlyq dermatıttiń taralýynyń aldyn alý úshin epızootııalyq sharalardy ýaqytyly júrgizýdi baqylaý týraly tapsyrma berdi», - dep habarlaıdy ákimdiktiń baspasóz qyzmeti.
Sonymen birge, óńir basshysy mal dárigerlerine aýyrǵan maldy tasymaldap, zalalsyzdandyratyn veterınarlyq-sanıtarlyq jumystardy júrgizýge qajetti tehnıkalardy alý týraly usynys engizýdi tapsyrdy.
