Atyraý oblysynda halyq sanaǵyn júrgizýge 168,8 mln teńge bólindi

ATYRAÝ. QazAqparat – Atyraý oblysynda halyq sanaǵyn júrgizýge 168,8 mln teńgebólingen, dep habarlaıdy QazAqparat.

Atyraý oblystyq statıstıka departamentiniń basshysy Galıa Muhanǵalıevanyń málimetinshe, óńirde halyq sanaǵyn ótkizý úshin respýblıkalyq bıýdjetten 193 mln teńgeden astam qarjy qarastyrylǵan.

«Bıyl atalǵan qarjynyń 168,8 mln teńgesi bólindi. Onyń 146,6 mln teńgesi sanaq personalyna jalaqy retinde tólenedi», -deıdi Galıa Amanǵalıeva.

Onyń aıtýynsha, oblysta halyq sanaǵyn júrgizetin personal quramyna 207 adam tartylǵan. Olar jeke qorǵanysh quraldarymen qamtylǵan.

«Atyraý qalasy ákimdigi ulttyq halyq sanaǵyn júrgizetin adamdarǵa qoldaý kórsetkeli otyr. Bul – sanaqshylardyń shahar aýmaǵynda qatynaıtyn qoǵamdyq kólikterde tegin júrý jeńildigi» - deıdi G.Amanǵalıeva.