Atyraý oblysynda habar-osharsyz ketken 11 adam aman-esen tabyldy
ATYRAÝ. QazAqparat – Atyraý oblysynda habar-osharsyz ketken 11 adam aman-esen tabyldy, dep habarlaıdy QazAqparat.
Budan buryn Atyraý oblysynda joǵalyp ketken 11 adam izdestirilip jatqanyn jazǵan boatynbyz.
Oblystyq tótenshe jaǵdaılar departamenti qoǵammen baılanys tobynyń málimetinshe, Isataı aýdanynda 11 adam joǵalyp ketken.
Olar keshe, 8 mamyrda aýdan ortalyǵy – Aqqystaý aýylynan 160 shaqyrym qashyqtaǵy «Aqmańdaı» ýchaskesine barý úshin jolǵa shyqqan.
«Keshe, 8 mamyrda kúni saǵat 14:00-den «ÝAZ» markaly avtokóliginiń júrgizýshisi men 10 jolaýshy Isataı aýdanynyń ortalyǵy – Aqqystaý aýylynan 160 shaqyrym qashyqta ornalasqan atalǵan ýchaskege jetý úshin jolǵa shyqqan. Alaıda, aýa-raıynyń qolaısyzdyǵyna baılanysty Mahambet aýdanyna barýdy kózdep, joldan adasyp ketken. Búgin, 9 mamyrda saǵat 10:50-de Isataı aýdanynda bir kún buryn habar-osharsyz ketken 11 adamdy izdestirý is-sharasy júrgizildi. Joǵalǵan adamdardy izdestirý jumystaryna Atyraý oblystyq tótenshe jaǵdaılar departamentiniń 4 qyzmetkeri men jol talǵamaıtyn «TREKOL» tehnıkasy tartyldy. Іzdestirý is-sharasyna Isataı aýdandyq polıtsııa bóliminiń 1 qyzmetkeri qosyldy. Bir kún buryn habar-osharsyz ketken 11 adam búgin, 9 mamyrda jergilikti ýaqytpen saǵat 14:50-de Isataı aýdanynyń ortalyǵy – Aqqystaý aýylynan shamamen 85 shaqyrym qashyqtyqta ornalasqan Jasqaırat eldi mekeninen aman-esen tabyldy. Tabylǵan adamdardyń densaýlyǵynda kinárat joq. Olar alǵashqy medıtsınalyq kómekke júginýdi qajep dep tappady», -dep habarlady departamenttiń qoǵammen baılanys toby.
Qazir bir júrgizýshi men 10 jolaýshy Jasqaırat eldi mekeninen H. Erǵalıev aýylyna aman-esen jetkizilip, aǵaıyn-týystaryna tabystaldy.
Іzdestirý jumystaryna Isataı aýdandyq polıtsııa bóliminiń bir qyzmetkeri kómegin berdi.
