Atyraý oblysynda gıdropondy keshen iske qosyldy
ATYRAÝ. QazAqparat - Atyraý oblysynyń Mahambet aýdanynda iri qara úshin jasyl massa ósiriletin gıdropondy keshen iske qosyldy, dep habarlaıdy «QazAqparat» HAA tilshisi.
«Keshen táýligine shamamen 10 tonna jasyl massa shyǵarý qýatyna ıe. Munda sebilgen arpa gıdroponıkalyq ádispen belgili bir temperatýrada kóktetiledi. Bul óte az shyǵyn qajet etetin tehnologııa, degenmen kóktetý kezinde arpanyń massasyn 14 ese arttyrý múmkindigin beredi», - deıdi «Pervomaıskıı» JShS sút-taýar fermasynyń dırektory Esbolat Esqarıev.
Fermerlerdiń sózine qaraǵanda, jasyl massamen azyqtanǵan sıyrdyń súti shamamen úsh esege artady.
