Atyraý oblysynda Geoportal iske qosyldy
Bul joba aımaqtyń túrli baǵyttaǵy qyzmetterin qamtıtyn, ár obektiniń áleýmettik, kóliktik, ınjenerlik ınfraqurylymy týraly derekteri ornalastyrylǵan oblys pen qalanyń alǵashqy egjeı-tegjeıli elektrondy kartasy.
Geoportaldy derbes kompıýtermen qatar Android jáne iOS negizindegi uıaly qurylǵydan «Smart Atyraý» qosymshasymen qoldaný múmkindigi qamtamasyz etilgen. Bul óz aldyna qala turǵyndary men qonaqtaryna kez kelgen uıymdardyń, sonyń ishinde HQKO, emhanalar, dárihanalar, qonaq úıler, bankomattar, AJQS jáne taǵy da basqa áleýmettik mańyzdy obektilerdiń ornalasý ornyn, baılanys derekteri men jumys tártibi derekterin ońaı tabýǵa múmkindik beredi. Sonymen qatar, avtobýs baǵyttary men aıaldamalar týraly aqparattar ornalastyrylǵan.
Geoaqparattyq portaldyń «Іs-sharalar», «Quqyq buzýshylyq kartasy» sekildi bólimderinen oblys turǵyndary barlyq oqıǵadan habardar bola alady jáne de «Joldaýlar» servısi arqyly aımaqty basqarý úrdisine qatysý múmkindigi qamtamasyz etilgen.
Búǵan qyzyǵýshylyq bildirgen adam Atyraý qalasyn damytý bas josparymen, sonyń ishinde burynnan kele jatqan jáne jobalanǵan qala bóligindegi qyzyq jolaqtarymen tanysýyna bolady. Oblysty ekonomıkalyq damytý maqsatynda áleýmetti ınvestorlar úshin maqsattary, jalpy somasy, qazirgi ahýaly men artyqshylyqtary sıpattalǵan perspektıvti jobalar jarııalanǵan. Ashyq derekter prıntsıpi Atyraý oblysynyń aýyldyq eldi mekenderiniń jyl saıyn jańartylyp otyratyn statıstıkalyq derekterimen qamtamasyz etiledi.
Óńirde ótetin jer aýktsıondary men konkýrstar týraly aqparat jarııalanymdary kásipkerlerge paıdaly bolmaq. Bul qyzmettiń ereksheligi -satylymǵa shyǵarylǵan jer telimderiniń ornalasqan jerimen qatar qatysý sharttary men ótinim qabyldaý oryndarynyń kórsetilýi. Bul áleýetti qatysýshy úshin atalmysh telimniń artyqshylyqtaryn baǵalaý múmkindigin beredi.
Geoportaldyń ári qaraı damýy qoljetimdi aqparatty arttyrýǵa, tsıfrlandyrý men avtomattandyrýǵa jáne de usynylatyn qyzmetterdiń sapalylyǵyn qamtamasyz etýge negizdelgen.
Osyǵan qosa, aǵymdaǵy jyldyń sońyna deıin Atyraý oblysynyń turǵyndary men bıznesi úshin Geoportalda jer qatynastary, sáýlet jáne qala qurylysy salalarynda 20 shaqty elektrondy qyzmet alý boıynsha Geoaqparattyq servıster usynylatyn bolady. Bul jer telimderin, tehnıkalyq sharttardy, sáýlet-josparlaý tapsyrmasyn berý jáne taǵy sol sııaqty ótinim beretin rásimderdi edáýir jeńildetedi.
Aıta ketý kerek, qosymsha aqparatty myna siltemeden aýǵa bolady: https://geo.eatyrau.kz/.
