Atyraý oblysynda gaz óńdeıtin zaýyt qurylysyna 1 mlrd 250 mln dollar ınvestıtsııa salynbaq

ATYRAÝ. QazAqparat – Atyraý oblysyndaǵy Eskene kentiniń mańynda boı kóteretin gaz óńdeý zaýytynyń qurylysyna 1 mlrd 250 mln dollar ınvestıtsııa salynady, dep habarlaıdy QazAqparat.

Bul týraly turǵyndar aldynda onlaın-rejımde esep bergen Maqat aýdanynyń ákimi Shákir Keıkın málim etti.

«Eskene kentine taıaý jerde jylyna 1 mlrd tekshe metr gazdy keshendi daıyndaý zaýytynyń qurylysyn júrgizý josparlanyp otyr. Jobanyń quny 1 mlrd 250 mln dollardy quraıdy. Kaspıı teńizindegi «Qashaǵan» ken ornynyń gazyn óńdeıtin nysannyń qurylysyn «GPC Investment» JShS júrgizedi. Zaýyt qurylysy bıyl bastalyp, 2023 jyly aıaqtalady. Qurylysty júrgizý kezinde 3000-ǵa jýyq adam jumyspen qamtylady. Al, zaýyt paıdalanýǵa berilgen soń 450 adam turaqty jumysqa ornalasady», - dedi Maqat aýdanynyń ákimi Shákir Keıkın.