Atyraý oblysynda «GAZ-53» qaǵyp ketken 8 jasar bala kóz jumdy
ATYRAÝ. QazAqparat - Atyraý oblysynda «GAZ-53» kóligi qaǵyp ketken 8 jasar bala mert boldy, dep habarlaıdy QazAqparat tilshisi.
Jol-kólik oqıǵasy Inder aýdanyndaǵy Bódene aýylynda bolǵan. Aýyl ishindegi jolda velosıped teýip júrgen segiz jasar bala «GAZ-53» kóliginiń astyna kirip ketken. Aýyr jaraqat saldarynan bala oqıǵa ornynda kóz jumdy.
Óńirdegi polıtsııa departamenti baspasóz qyzmetiniń málimetinshe, oqıǵa boıynsha QR QK 345-baby, 3-bóligi boıynsha sotqa deıingi tergeý amaldary júrgizilip jatyr.
