Atyraý oblysynda ǵaryshtyq túsirilimmen 484 qoqys alańy anyqtalǵan
ATYRAÝ. QazAqparat –Atyraý oblysynda ǵaryshtyq túsirilimmen 484 qoqys alańy anyqtalǵan, dep habarlaıdy QazAqparat.
Oblystyq ekologııa departamenti baspasóz qyzmetiniń málimetinshe, Atyraý qalasy men Mahambet aýdanynda ǵaryshtan túsirilgen stıhııalyq qaldyqtardy joıý jumystary júrgizilgen.
«Anyqtalǵan aýmaq shamamen 50 shaqyrymdy quraıdy. Qashyqtan zondtaý arqyly túsirilgen ǵaryshtyq túsirilimder buǵan deıin tıesili ákimdikterge joldanǵanmen, kórsetilgen jerlerdi tolyqtaı tazartpaǵan. Sol sebepten, Atyraý qalasy men Mahambet aýdany ákimdikteriniń jaýapty tulǵalary ákimshilik jaýapkershilikke tartyldy. Oblys ákimi bekitken ǵaryshtyq monıtorıng nátıjelerimen anyqtalǵan stıhııalyq qoqys oryndaryn joıý boıynsha keste jasaqtaldy. Qazir 484 qaldyq orny tolyqtaı joıyldy» - dep habarlady departamenttiń baspasóz qyzmetinen.
Eske sala ketelik, budan buryn Atyraýda qorshaǵan ortaǵa 1 mlrd teńgeniń zalaly kelgeni jazylǵan edi.
