Atyraý oblysynda ǵaryshtyq túsirilim arqyly 1 ǵana aýdannan 30 stıhııalyq qoqys alańy anyqtaldy
Jylyoı aýdanynyń ákimi Jumabek Qarajanovtyń málimetinshe, «Qazaqstan ǵarysh sapary» ulttyq kompanııasynyń ǵaryshtyq túsirilimi arqyly 55 stıhııalyq qoqys alańy bary anyqtalyp otyr. Onyń ishinde aýdan ortalyǵy – Qulsary qalasynda 51, Jańa Qaraton kentinde 2, Qosshaǵyl aýylynda 2 qoqys alańy ornalasqany belgili boldy.
«Tabıǵattyń tazalyǵyna barshamyz jaýapty bolýymyz kerek. Alaıda, keıbir turǵyndar qorshaǵan ortanyń tazalyǵyn saqtaýdy eskermeı, qurylys jáne qatty turmystyq qaldyqtardy belgilenbegen jerge tastaıdy. Qazir aýdan aýmaǵynda ruqsatsyz qoqys tókkenderdi anyqtaý, baqylaý kúsheıtilip, jaýapty mekemelerdiń qatysýymen reıdtik is-sharalar ótkizý josparlanyp otyr. Aýdandyq ákimdiktiń tapsyrmasymen «Promekologııa» JShS-niń janynan stıhııalyq qoqys alańdaryn tazalaý úshin jumys toby quryldy.
Qurylys qaldyqtaryn tazartýǵa 10 jumysshy men 8 arnaıy tehnıka tartyldy. Osylaısha, 55 qoqys alańynyń 30-y tazartylyp, odan 1000 tonna qoqys shyǵaryldy. Jınalǵan qoqys «Ekoqala HHІ» JShS-niń arnaıy polıgonyna tapsyryldy», -dep habarlady aýdan ákimi Jumabek Qarajanov.
Eske sala ketelik, budan buryn Atyraý oblysynda bir kúnde 45 tonna qoqys jınalǵanyn habarlaǵan edik.