Atyraý oblysynda fermerdi atyp ketti
ATYRAÝ. QazAqparat – Atyraý oblysynda fermerdi atyp óltirgen kúdikti qamaýǵa alyndy, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna súıensek, qaıǵyly oqıǵa Isataı aýdanynda oryn alǵan.
«Zıneden aýylynyń eki turǵyny arasynda ózara kelispeýshilik bolǵan. Ashýǵa boı aldyrǵan 42 jastaǵy turǵyn ańshylyq qarýdan aýyldasyna oq atqan. 48 jastaǵy fermer oqıǵa ornynda kóz jumǵan», -dep habarlady departamenttiń baspasóz qyzmeti.
Qazir aýyldasyn atyp óltirgen turǵyn ýaqytsha ustaý ızolıatoryna qamaýǵa alyndy. Oǵan qatysty QR Qylmystyq Kodeksiniń 99-babymen sotqa deıingi tergeý bastaldy.
Eske sala ketelik, budan buryn Atyraýda alaıaq áıel turǵyndardy jer áperemin dep aldaǵanyn habarlaǵan bolatynbyz.
