Atyraý oblysynda er adam óriske mal shyǵaryp, joǵalyp ketken
ATYRAÝ. QazAqparat – Atyraý oblysynda er adam óriske mal aıdap shyǵyp, joǵalyp ketken, dep habarlaıdy QazAqparat.
Oblystyq Polıtsııa departamenti baspasóz qyzmetiniń málimetinshe, Qyzylqoǵa aýdanynda 10 naýryzda saǵat 9:00 shamasynda 62 jastaǵy er adam joǵalǵan.
«Sol kúni «Esen» sharýa qojalyǵynyń malshysy óriske iri qara aıdap shyqqan. Keıin ol habar-osharsyz ketken. Buǵan sol kúni atalǵan aýdanda qalyń qar jaýyp, ekpini qatty jeldiń soǵýy sebep bolǵan. Bul týraly atalǵan sharýa qojalyǵynan Muqyr aýyldyq okrýgindegi ýchaskelik polıtsııa ınspektoryna habar túsken. Osyǵan baılanysty ýchaskelik polıtsııa ınspektorlary aýdandyq tótenshe jaǵdaılar bóliminiń qyzmetkerlerimen birge «Qaınarmunaıgaz» basqarmasynyń kómegimen joǵalǵan er adamdy izdeýge kiristi», - dep málim etti departamenttiń baspasóz qyzmetinen.
Іzdeý jumystarynyń nátıjesinde 11 naýryzda tańǵy saǵat 03:30 shamasynda joǵalǵan er adam sharýa qojalyǵy ornalasqan ýchaskeden 15 shaqyrym qashyqtyqtaǵy Saǵyz ózeniniń jaǵasynan aman-esen tabyldy.
