Atyraý oblysynda eńbek mıgranttarynyń qatary eki esege ósti
ATYRAÝ. QazAqparat - Atyraý oblysynda eńbek mıgranttarynyń sany bir jyldyń ishinde eki esege artty, dep habarlaıdy «QazAqparat» HAA tilshisi.
«2016 jyly Atyraý oblysynda basqa elderden kelgen 13 147 eńbek mıgranty tirkeldi. Al, bıylǵy jyly 25 037 adamǵa eńbek etýge ruqsat berilgen. Bul kórsetkish byltyrǵy jylmen salystyrǵanda eki esege kóp jáne óńirge kelýshi sheteldik azamattardyń da jalpy sany artyp otyr. Jyl basynan beri qalaǵa 64 myń adam kirgen», - deıdi Atyraý oblysy ІІD mıgratsııalyq polıtsııa basshysynyń orynbasary Bolat Dosqalıev.
