Atyraý oblysynda elektr energııasy óship qaldy
ATYRAÝ. QazAqparat –Atyraý oblysynda elektr energııasy óship qaldy, dep habarlaıdy QazAqparat.
«Atyraý-Jaryq» AQ baspasóz qyzmetiniń málimetinshe, elektr qýatyn óshirý jergilikti ýaqytpen 18:30-da bastalǵan.
Atyraý qalasyndaǵy shaǵyn aýdandar men qala mańyndaǵy Vodnıkov, Keńózek, Damby, Balyqshy, Balaýsa, Leshoz, Geolog, Birlik, Tasqala eldi mekenderinde jaryq sónip qaldy.
Sondaı-aq, Mahambet pen Inder aýdandarynda da elektr qýatyn berý toqtaǵan.
«KEGOC jelisinde paıda bolǵan aqaý saldarynan Atyraý qalasynyń keıbir yqshamaýdandary ýaqytsha jaryqtan ajyratyldy. Qalypqa keltirý jumystary kúsheıtilgen rejımde júrgizilýde. Jaryq birtindep qosylady» dep habarlady kásiporynnyń baspasóz qyzmetinen.
Oblystyq aımaqtyq saılaý komıssııasynyń málimetinshe, saılaý protsesine elektr energııasyn óshirý áser etken joq.
Saılaý ýchaskelerine aldyn ala generator ornatylǵan.
