Atyraý oblysynda ekologııalyq máselelerdi sheshýge baǵyttalǵan jol kartasy bekitildi
ATYRAÝ. QazAqparat – Atyraý oblysynda óńirdiń ekologııalyq máselelerin sheshýge baǵyttalǵan jol kartasy ázirlendi, dep habarlaıdy QazAqparat.
«QR Ekologııa, geologııa jáne tabıǵı resýrstar mınıstriniń tapsyrmasy boıynsha, jergilikti atqarýshy organdar ekologııa departamentimen birlesip, Atyraý oblysynyń ózekti degen ekologııalyq problemalaryn sheshýge baǵyttalǵan «Jol kartasyn» daıyndap, bekitti. Qujat 40 bólimnen turady jáne ol Ekologııa mınıstrligimen kelisilgen. «Jol kartasy» óńirdiń qorshaǵan ortasynyń sapasyn jetildirýge baǵyttalǵan barlyq baǵyttardy qamtyǵan. Oblys ákimdigi sonymen qatar oblys ortalyǵynyń oń jáne sol jaq bólikterindegi kárizdik-tazalaý qurylǵylaryn salý, keıbirin jańartý jáne býlandyrý alańdaryn qalpyna keltirý boıynsha keshendi sharalar atqarýda. Atyraý munaı óńdeý zaýytynyń ballansyndaǵy 860 myń gektar jer qalpyna keltiriledi. Budan bylaı ol jerlerge kásiporynda paıdalanylǵan sý tógilmeıdi. Osy maqsatta zaýyttyń káriz sýlaryn bıologııalyq jáne mehnıkalyq tazalaý qurylǵylaryn jańǵyrtý kózdelip otyr»,-dep habarlady oblys ákiminiń baspasóz qyzmeti.
Osyǵan deıin Atyraý olysynyń ákimi Mahambet Dosmuhambetov túrli óndiristerden keletin qaldyqtardy qysqartý qarqyndy júrip jatqanyn atap ótti.
Avtory: Vıktor Sýtıagın
