Atyraý oblysynda Ekinshi dúnıejúzilik soǵysqa qatysqan kózi tiri ardager joq
Oblystyq ákimdikten málim etkendeı, óńirde soǵys jyldarynda kontslager tutqynynda bolǵan bir zeınetker ǵana bar.
«Atyraý oblysynyń ákimdigi Jeńis kúnine oraı bir rettik tólem berýdi josparlap otyr. Máselen, kontslagerde tutqynda bolǵan bir adamǵa 1 mln teńge, Jeńiske úles qosqan 33 tyl eńbekkerine 100 myń teńge, soǵys jyldarynda jumys istegen 1 423 adamǵa 30 myń teńge beriledi», -dep habarlady ákimdiktiń baspasóz qyzmeti.
Sondaı-aq, Aýǵanstandaǵy, tájik-aýǵan shekarasyndaǵy urys qımyldaryna, Iraktaǵy halyqaralyq bitimgershilik operatsııasyna, Taýly Qarabaqtaǵy etnosaralyq qaqtyǵysty retteýge, Chernobyldaǵy apattyń zardaptaryn joıýǵa qatysqan 1 073 adamǵa 100 myń teńge kóleminde bir jolǵy qarjylaı tólem berý kózdelgen.
Eske sala ketelik, budan buryn Atyraýda 100-den astam balaǵa «Naýryz-qorjyn» syılyǵy berilip, anımatsııalyq qoıylym kórsetilgenin jazǵan edik.
