Atyraý oblysynda eki jasóspirim sýǵa ketti
ATYRAÝ. QazAqparat - Atyraý oblysynda shomylý maýsymy bastalǵaly 13 adam sýǵa ketti, dep habarlaıdy QazAqparat tilshisi.
Atyraý oblysy TJD baspasóz qyzmetiniń málimdeýinshe, keshe saǵat 18.10-de Mahambet aýdanynda 2006 jylǵy bala men 2010 jylǵy jasóspirim shomylýǵa tyıym salǵan jerde sýǵa batyp ketti.
«Іzdeý jumystaryna Batys óńirlik aeroutqyr jedel-qutqarý jasaǵynyń 7 qyzmetkeri men arnaıy qaıyqtar jumyldyryldy. Keıinirek saǵat 23.40-da 12 jasar balanyń denesi tabyldy, al 17 jastaǵy jasóspirimniń denesi tabylmady. Іzdeý jumystary júrgizilip jatyr», - dep habarlaıdy oblystyq TJD-nyń baspasóz qyzmetinen.
Sol kúni saǵat 16.05-de Inder aýdanynda 40 jastaǵy er adamnyń sýǵa batqany týraly habarlama kelip tústi. Aýyl turǵyny sýǵa túsýge tyıym salynǵan jerde shomylǵan.
«Batys óńirlik aeroutqyr jedel-qutqarý jasaǵynyń 3 qyzmetkeri máıitti sýdan shyǵaryp, polıtsııaǵa tapsyrdy», - delingen habarlamada.
Aıta keteıik, shomylý maýsymy bastalǵaly Atyraý oblysynda 13 adam qaza tapty, olardyń 9-y bala.
