Atyraý oblysynda eki táýlikte 211 adam koronavırýs juqtyrdy
ATYRAÝ. QazAqparat – Atyraý oblysynda sońǵy eki táýlikte 211 adam koronavırýs juqtyrdy, dep habarlaıdy QazAqparat.
Oblystyq Densaýlyq saqtaý basqarmasy baspasóz qyzmetiniń málimetinshe, 25 jeltoqsanda - 79, 26 jeltoqsanda 132 adam koronavırýs ınfektsııasyna shaldyqqan. Onyń ishinde Atyraý qalasynan – 47, Jylyoı aýdanynan – 13, Qurmanǵazydan – 9, Qyzylqoǵadan –1, Inderden – 2, Maqattan – 4, Isataı aýdanynan 1 adam bar. Al Teńiz kenishinde 134 jumysshy qaýipti indetti juqtyrǵany anyqtalǵan.
Qazir úı jaǵdaıynda – 249, oblystyq ınfektsııalyq statsıonarda – 116, al aýdandardaǵy ınfektsııalyq statsıonarlarda 23 naýqas emdelip jatyr. Teńiz kenishindegi ınfektsııalyq statsıonarda em-dom qabyldap jatqan patsıentter sany – 491 adam.
Oblysta ashylǵan 1225 oryndyq ınfektsııalyq statsıonardyń 630-ynda naýqastar em alýda.
Budan buryn Atyraý oblysynda naýqastardyń 70% Teńiz kenishiniń jumysshylary quraıtynyn habarlaǵan edik.
