Atyraý oblysynda eki táýlikte 1 078 adam koronavırýs juqtyrdy

ATYRAÝ. QaşAqparat – Atyraý oblysynda eki táýlikte 1 078 adam koronavırýs ınfektsııasyn juqtyrdy, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetinen málim etkendeı, 14 tamyzda 552, al, 15 tamyzda 526 adam qaýipti vırýsqa shaldyqqany anyqtalǵan.

«Tek sońǵy táýlikte Atyraý qalasynda 329 naýqas tirkeldi. Jylyoı aýdanyndaǵy Teńiz kenishinde – 79, Jylyoı aýdanynda – 65, Mahambette – 20, Inderde – 11, Isataıda – 8, Qyzylqoǵada – 5, Maqatta – 5, Qurmanǵazy aýdanynda 4 adamnan qaýipti vırýstyń belgisi tabyldy. Naýqastardyń arasynda 319 adamda sımptomdy, al, 207 adamda sımptomsyz túrde ótýde» - dep habarlady basqarmanyń baspasóz qyzmeti.

Ótken táýlikte koronavırýs ınfektsııasynan 235 adam jazylyp shyqqan.

Qazir úı jaǵdaıynda emdelý úshin 7 633 adam oqshaýlanǵan. Al, aýdandardaǵy ınfektsııalyq statsıonarlarda – 417, Teńiz kenishindegi statsıonarda – 376, modýldik aýrýhanada – 202, №2 oblystyq aýrýhanada – 191 patsıent jatyr. Sondaı-aq, oblystyq aýrýhanada – 164, temirjol aýrýhanasynda – 108, kardıologııalyq ortalyqta – 100, ftızıopýlmanologııalyq ortalyqta – 94, jataqhanalarda 130 naýqas em qabyldaýda.

Eske sala ketelik, buǵan deıin Atyraý oblysynda koronavırýs juqtyrǵandardyń 60 paıyzy qalada tirkelgenin jazǵan bolatynbyz.