Atyraý oblysynda eki kún buryn Jaıyqqa batqan 9 jasar jasóspirim tabylmaı jatyr
Oblystyq tótenshe jaǵdaılar departamentiniń qoǵammen baılanys tobynan málim etkendeı, jaóspirim 19 maýsymǵa Jaıyq ózenine batyp ketken.
«Mańǵystaý oblysynyń Beıneý aýdanynda 2013 jyly dúnıege kelgen jasóspirim 19 maýsym kúni saǵat 12:14 shamasynda Jaıyq ózenine sýǵa ketkeni anyqtaldy. Ol ózenniń Inderbor kenti tusyndaǵy shomylýǵa tyıym salynǵan jerinde sýǵa túsken. Ony izdestirý keshe, 20 maýsymda saǵat 07:50-de bastalyp, túngi saǵat 00:20-ǵa deıin jalǵasty. Biraq izdestirý jumystary nátıje bergen joq», -dep habarlady qoǵammen baılanys tobynan.
Jaıyq ózenindegi izdestirýge jedel qutqarý jasaǵynan 4 qyzmetkeri qaıyqpen shyqty. Іzdestirý jumystary búgin, 21 maýsymda saǵat 09:10-da qaıta jalǵasty.
Belgili bolǵandaı, jyl basynan beri 8 adam sýǵa batyp ketken. Onyń ishinde 2 bala bar. Máselen, 22 qańtarynda 9 jasar bala Atyraý qalasyndaǵy «Peretaska» kanalynda muz astyna túsip ketip, shyǵa almaı qalǵan. Al, 4 maýsymda Jylyoı aýdanynyń Jem aýyldyq okrýginde 2009 jylǵy jasóspirim arnaıy jabdyqtalmaǵan jerde shomylyp, sýǵa batqan.
Al, 2020 jyly 17 adam, onyń 4 bala sýǵa shomylý qaza tapqan. Byltyr 28 adam sýǵa túsip, jantásilim etken. Onyń ishinde 10 bala bar.
Eske sala ketelik, buǵan deıin Atyraý oblysynda jyl basynan beri 8 adam sýǵa batyp ketkenin habarlaǵan edik.