Atyraý oblysynda eki kólik soqtyǵysyp, bes adam aýrýhanaǵa tústi
ATYRAÝ. QazAqparat – Atyraý oblysynda eki kólik soqtyǵysyp, bes adam aýrýhanaǵa tústi, dep habarlaıdy QazAqparat.
Maqat aýdanynda eki kólik soqtyǵysyp, onyń bireýi aýdarylyp qaldy. Bul derekti oblystyq polıtsııa departamentiniń baspasóz qyzmeti rastady.
«Jol-kólik oqıǵasy búgin 5 aqpan kúni saǵat 12:00 shamasynda «Astrahan-Atyraý-Aqtóbe» halyqaralyq tas jolynyń boıynda bolǵan. Atalǵan joldyń Maqat kentine burylar tusynda «Toyota Camry» men «GAZel» avtokólikteri soqtyǵysqan. Jol-kólik oqıǵasynyń saldarynan «GAZel» kóligi aýdarylyp qaldy. Bes jolaýshy ár túrli dene jaraqatymen aýrýhanaǵa jetkizildi», -dep habarlady departamenttiń baspasóz qyzmeti
Polıtsııa qyzmetkerleri kólik apatyna baılanysty tergeý júrgizýdi bastady.
Eske sala ketelik, buǵan deıin Atyraýda 14 jastaǵy jasóspirim qyzdy kólik qaǵyp ketkenin jazǵan edik.
